داحي الباب

ش

* داحي الباب * :

خل نسأل المحراب ** يمكن يرد جواب
هذا كتاب الله ارتمى لو هذا داحي الباب

***

هالأسئلة خطرت على بال الزمن هاليوم
ليش الشمس لمن بجت صارت تصب نجوم
هذا علي ومن طبرته المصحف يصب دموم
لو هذا وحي الله وكتابه بدم علي مرسوم
حيرانه بيه عقول ** منهو الذي مقتول
لو قلنا هذا المرتضى ليش الكتاب أنصاب

***

هذا علي ويمه حسامه ذو الفقار يبات
لو هذي ريشه اللي بيها جفه كتبت الآيات
هذا جرح ينزف دمى من رأس أبو الحملات
لو بسمله فصلت سور ياسين والصفات
هذا الهوى قرآن ** لو داحي البيبان
لو قلنا قرآن اش عجب ليث الحرايب غاب

***

جاوبنا محراب الصلاة بكل حزن وخشوع
ودم حيدر الـ فوقه نزف يتجارى سيل دموع
كتاب الله مايتصدق بخاتم وقت الركوع
لا مره شبعله يتيم ويستلذ بالجوع
هذا الفرق مابين ** المصحف وأبو الحسنين
هو الكتاب الناطق بأجزاءه والأحزاب

***

نرجع نسأله وعلى الوجن تتنازف الأعبار
من عنده بس ردنا جواب يطفي حر النار
ليش الوصي دمه انسفك قال اسمعون اشصار
رادو يذبحون الوحي وأختاروا الكرار
رابع أصول الدين ** ولقتله متحدين
كلها تدور على الذهب ماأحد يريد تراب

***

وقال أنا أعشقهم سوى وسمعوني ياهالناس
وحبي لهم ماله حدود وما إله مقياس
بس أنا يعجبني علي ومن حقي هالأحساس
كتاب الله ماعنده أبن أسم القمر عباس
ولهذا أجري دموع ** وأحني عليه ضلوع
قلبي حجر بس ظل يون لفرقه الأحباب

*** [/font][/size][/color][/center]

اشكرك على ردك الجميل
اخوكم فاقد الحنان